ەلىمىزدىڭ تاريحىنان سىر شەرتەتىن سازدى كەرۋەن «عاشىقتار» الاڭىنان «بايتەرەك» الاڭىنا دەيىنگى ارالىقتى قامتىدى.
كەرۋەن ساپىندا التىن ادام, ارىستانباب, قوجا احمەت ياساۋي, ءال-فارابي سىندى تاريحي تۇلعالار مەن عۇلامالار, حاندار مەن باتىر, بيلەر بەينەسىندەگى ونەر ازاماتتارى, ەكسپو ارۋى مەن ۇلتتىق كيىم كيىنگەن ءانشى, بيشىلەر, تسيرك ونەرپازدارى جانە تايقازان, اربا سىندى ۇلتىق قۇندىلىقتارىمىزدى ايشىقتايتىن بۇيىمدار بار. ءوڭىردىڭ تاريحي كەلبەتىن تانىتار ونەر كوشىنە 500-گە جۋىق ونەرپاز قاتىسىپ, جەرگىلىكتى كومپوزيتورلار ش.قالداياقوۆ, س.بəيتەرەكوۆتىڭ əندەرىن قوسىلا ورىندادى.
كەرۋەن باسى «قازىنا», «شاتتىق», «شامسينۋر» بي انسامبلدەرىنىڭ ورىنداۋىنداعى «مەرەكە دۋمان» بيىمەن باستاۋ الىپ, «بايتەرەك» الاڭىندا 600 جاس دومبىراشىنىڭ ءبىر مەزەتتە ق.ساعىرباي ۇلىنىڭ «بالبىراۋىن» كۇيىن ورىنداۋىمەن اياقتالدى.
وڭتۇستىك قازاقستان وبلىسىنىڭ استاناداعى ءبىرىنشى كۇنى «بايتەرەك» الاڭىندا وبلىستىڭ ونەر شەبەرلەرىنىڭ «سالەم, استانا! سالەم, ەكسپو-2017!» مەرەكەلىك كونتسەرتىمەن قورىتىندىلاندى.
كونتسەرتتە قر مادەنيەت قايراتكەرى ايجان تاجەنوۆا «دومبىرا تۋرالى باللادا» ورىنداسا, «وڭتۇستىك-تسيرك» مەكەمەسىنىڭ «ح-بەند» ەسترادالىق دجاز ءانسامبلى زاماناۋي شىعارمالار ۇسىندى. ش.قالداياقوۆ اتىنداعى وبلىستىق فيلارمونيانىڭ انشىلەرى «ەكسپو-2017» تۋرالى ءان شىرقاسا, «سەمسەر» توبى "وتىرارداعى توي" əنىمەن ءوڭىردىڭ كيەلى ولكەسىن دəرىپتەدى. "وركەن" وتباسىلىق ءانسامبلى, "اسۋ" تريوسى مەن كوپتەگەن ونەر ساڭلاقتارى ونەر دۋمانىمەن استانا كەشىن اسقاقتاتتى. وڭتۇستىكتىڭ تۋماسى, قازاقستاننىڭ ەڭبەك سىڭىرگەن ءəرتىسى, ەسترادا ءəنشىسى گۇلنəر سيقىمباەۆا استانالىق كورەرمەندى əسەم داۋسىمەن ءتəنتى ەتتى.
كورەرمەندى ءان مەن كۇيگە بولەگەن وڭتۇستىكتىڭ ونەر مايتالماندارى بۇگىنگى كەشتە 30-دان اسا تاڭداۋلى نومىرلەرىمەن ەل ىقىلاسىنا بولەندى.
شارا بارىسىندا وبلىس اكىمىنىڭ ورىنباسارى سəدىبەكوۆ ۇلاسبەك سəدىبەك ۇلى ەلىمىزدىڭ بارلىق وبلىس اكىمدەرى قول قويعان ەكسپو تۋىن «استانا ەكسپو-2017» حالىقارالىق مامانداندىرىلعان كورمەسىنىڭ كوميسسارى جوشىباەۆ راپيل سەيتحان ۇلىنا سالتاناتتى تۇردە تابىستادى.
ايتا كەتەيىك, 29 مامىر كۇنى وڭتۇستىكقازاقستاندىق 10 بايكەر ەكسپو-2017 كورمەسىنىڭ قۇرمەتىنە رەسپۋبليكالىق موتوشەرۋ ۇيىمداستىرىپ, موتوتسيكلمەن ەلىمىزدىڭ بىرقاتار وبلىستارىن ءجۇرىپ ءوتىپ استاناداعى ءوتىپ جاتقان حالىقارالىق مامانداندىرىلعان كورمەسىنە كەلگەن بولاتىن.
جالپى, وڭتۇستىك قازاقستان وبلىسىنىڭ مادەنيەت كۇندەرى اياسىندا كۇنگەي جەرىنەن كەلگەن 1 مىڭنان استام əرتىستەر استانالىقتارعا ءوز ونەرلەرىن ۇسىناتىن بولادى.
